出show

訓左3粒鐘，就要起身化個妝，因為下午要出show。今次我唱兒歌，美少女戰士。可惜天公不造美，一去到就落大雨，成個function係雨中渡過。今次重踏愛民邨，呢個佢居住o既屋邨，最後見面的地方，食飯o既地方，等人o既地方，真係好有回憶o既感覺。不過因為天雨，成個show都delay晒，我係商場度邊避雨邊聽。隔離個哥仔同我一起企左幾個鐘，我拍手時佢拍手，勁搞笑。到4點幾5點，先到我上台唱美少女戰士，唱成點唔好講啦！不過都不過不失啦！

之後就返屋企同屋企人去上水shopping同食飯。