刺青

今晚又係準時走。因為要去北角做問卷調查，之後再去睇戲。其實就係同果個同事約左去睇刺青。本來係約睇加勒比海盜，但係都仲未做，而佢想睇o既十分愛(想睇stephy)，又冇夜場。結果我選左睇刺青，因為好似講到好好睇咁。

我早d去到sogo 行左陣supermarket，見到吉百利o既朱古力，忍唔住買左。之後就打俾同事約佢係sogo門口等。等等下dicky就打黎同我吹水，其實佢呢幾日已經成日send sms黎講埋d 無謂野，好似同我報告佢o既生活咁，我冇野o既，有時應下有時就唔應咁囉。傾緊果時coleman就到啦。時間尚早而佢食左tea飽飽地，加上佢正在減肥中，所以我都唔去食飯，陪佢去行左陣實惠。佢剛搬家，有好多野都未買齊。再逛下百老匯同電腦shop，傾下計，就索性去戲院拎飛買爆谷食住等入場。今次我地去坐palace影院，又真係幾舒服。

刺青套戲一般啦！其實都係isabella o既表現好好多，楊丞琳o既戲好一般。cute o既佢要做引誘o既post唔係好得，仲發覺佢大髀其實都唔瘦o既。有少少位都好笑o既。睇完戲coleman 又話想去mcdonald度食，我串佢又話減肥！？但係都係去食左串魚蛋燒賣同埋許留山飲野，先一起坐巴士返屋企。

整體黎講覺得同佢都好傾o既，起碼感覺舒服，想講就講，係吹到水o既人。dicky就唔同，唔係冇野講，都多野講，但總係覺得好多野大家想法都唔同，冇咩共鳴，有d就住就住o既感覺。

仲有今日係公司evelyn話我sexy~ haha 真係第一次有人咁話我，超奇怪。不過coleman話joanna同佢講覺得我係個好女仔喎！ha，好野~ 識貨呀下！haha