最後一天、是日公休

今日係honeymoon的最後一天，聽日supervisor就放完假返黎啦！亦係我o既long vacation 完的時候了。因為聽日就要勤力做返野，今日我決定放自己假！ =p 就係咩都唔做，專心咁整我個電話。

成日都上forum度download d software同ebook咁。裝左好多呀！有地圖啦、有字典啦、有外語啦！仲有uno同中國象棋。下午有幾個鐘都上唔到網，因為和記果邊有事，其他同事都唔知蛇晒去邊，有一個仲話出去睇醫生唔返黎啦！(不過原來佢去買火車票，準備過幾日放假d野。) 鬼咩！個個都好似我咁想enjoy埋最後一日啦！我都係靠uno 打發左我唔可以上網果幾個鐘咋！

放工原本想去游水，但係尋晚訓得唔夠，我怕會抽筋，食完飯又唔想郁。都係留返聽晚啦！又再過片過mp3去電話度先！