在家vcd + 冰皮

今日又係vcd的日子，一早9點幾就醒左，大概係朝早屋企人出門口時嘈醒左。得我一個人係屋企，又訓唔返，就睇vcd了。睇埋個『小遙17歲』，都ok啦，之後就再睇『鬼嫁日記』。係呀！好耐嫁啦！之前download左我未睇ma。所以睇左先呢而家。

差唔多1點果時就開始整冰皮月餅。我特地去買左個月餅模、芝麻餡同芝麻醬，務求想做到好似大班果隻咁，會有d黑芝麻醬係中間。睇左好多食譜都係要自己溝粉，為左減輕難度，所以我買左現成的冰皮粉。用左3分1，加埋d糖同埋溫水，變左好似整糯米池果時咁。為左想個皮有d黑黑地，d食譜話加芝麻粉o既~ 不過我費事買，所以加左兩pat芝麻醬入去。好香呀！放入去蒸。點知蒸完就心知不妙了。因為個皮實在係太黑了，好似d芝麻糕咁，d人仲話應該會變成粉團。我覺得真係一pat芝麻糕。照樣包好，印埋模就雪入雪櫃。

夜晚拎出黎同屋企人分享......-.-" 個皮真係好un，咬唔爛咁，個芝麻餡就一般，都係d芝麻醬最香。最後我都係決定唔食d皮，只係食d 餡。

要去forum問o下人，下次再試埋果3分之2的粉！