八卦@飯聚

今日上午gary msn話佢下午會黎我果頭開會，問我放工後有咩做，不如一起返屋企。又問我係咪返屋企食飯。我今晚屋企冇飯開呀~ 咪照直講。點知佢就約我一起食。

放工ot左一陣，聽anthony講佢爆笑的經歷。就係佢曾經去旅行時識左個團友，同年齡仲好好傾。咁之後個女仔call佢約佢去睇戲食飯，佢就最怕同埋唔識拒絕人，於是就同佢出去啦。佢地去睇果套又唔係恐怖片，果個女仔居然作狀的驚嚇，一手拖住anthony隻手，又訓晒係佢心口。嘩！狼死得佢！我聽到笑到好大聲。我冇想過會咁主動，雖然唔係十指緊扣果隻拖法，但係都係手心對手心嫁ma！anthony真係艷福無邊。所以話，第時教仔最緊要係教佢口才，溝死女啦！

之後收到gary電話，原來佢就係我公司後面的政府合署度開會，佢係樓下等埋我，我地一起坐巴士去polyu，因為我答應左幫同事evelyn去polyu還書。之後我地去左附近的商場食飯，傾傾下就傾開感情野，拍拖次數呀果d啦，朋友d野啦，都算多野講。差唔多9點幾就走，送埋我返屋企。

佢成日都話唔會回望過去，要展望將來。又話總係想黎緊果個係最後一個。我覺得......有d暗示成份喎......

今日走左之後都有sms黎。