行錯山+食飯

早上回家睡了5小時，就急忙的出門口，因為約左大學同學去行山，遲到左半個鐘，仲俾例牌遲到的yvonne潤左潤。真係『我有今日』啦~！

由於大家都冇咩準備，結果想行港島徑第七段的，卻行左第六段。不過我自己就唔係咁介懷，因為都係想出去大自然走走咁。我地係中途睇左carrie婚宴的相，影得我一般啦！不過真係咧開咀笑係比較開心d。南生圍的相我覺得都ok，but始終睇過人地係台灣、大陸影的綠草如茵、白沙嶺、懸崖，仲係覺得係外地影的漂亮多了。

5點多我地就係銅鑼灣搵地方食飯，結果去左小南國狀元樓。等埋山雞，我地食左都幾多野。不過只有幾款係ok o既。蟹粉豆腐我覺得ok，見到有蟹肉同蟹粉，牛筋都唔錯，炒年糕都ok，不過我就唔係咁likey食。但係另外個咩齊菜卷、蘿蔔絲酥餅、桂花拉糕都好唔得！其實小籠包都唔得，d皮好厚。不過我對於係香港搵到同台灣頂泰豐一樣的水準，係沒有抱什麼期望o既。至於山雞所愛的生煎包，我覺得ok，佢個底係夠脆。但係同我地係上海食的小揚生煎，仲係差好遠。

食完野我地係度討論左好多野，傾到11點先至走。都估唔到講左咁耐。