死火！

尋日下午先起身溫書，溫左兩份半notes，不過有唔明呀！之後睇左陣漫畫先出去。夜晚約左莊員食飯，係呢度。價錢唔係貴，d野都幾好食。我地有7個人叫左個4-5人餐都好飽，因為果碟北京填鴨真係好大碟，食極都仲有。之後有食拔絲萍果、高力豆沙同埋豆沙窩餅，不過都食剩左。跟住就去左諾士佛臺度飲野傾計。

都傾得幾開心呀！話當年咁啦~ 不過睇見yvonne同ivan真係好登佢地開心。超級恩愛！最重要的係ivan佢真係好錫yvonne，成場佢其實都悶悶地的，因為佢都冇上莊，不過完全冇唔likey的表現，又會幫女友夾野食，同我地jum茶咁。女友要認叻時佢就識得做小男人，幫女友拎野不單止，到左街度就識得拎件褸問佢凍唔凍，要佢穿住仲攪實tim！ 嘩！真係廿四孝男友！拍左6年都仲可以咁好真係好難得。超羨慕！

我返到屋企check埋email就訓左。今朝起身先醒起我唔記得交功課！拿拿聲send返去扮野話尋晚send左but mail delivery failed，而家補send，希望佢唔會扣我分啦...
=p