-.-" 我夠知啦~

今日又打去個project member度，問佢究竟d code 研究/努力成點。跟住佢猛同我講佢覺得一個video player 應該係點點點，我地仲差d咩咩咩未整。老細呀！鬼唔知而家個window media player好過我地整過舊好多咩！你要做先得嫁！講得咁多野話要改要做，自己又唔做。我一早就同佢講左唔係想像中咁簡單嫁啦！好啦，拖到尋日仲要話佢做埋其他我未做的野。ok，我心諗你做到就做law。不過佢連code都未睇係咩黎，我就唔信佢1日睇完明晒仲可以改埋law。我都花左個幾星期先睇得明明地阿fred d code。

今日咪又係話做唔到，睇唔晒d code。只係一味講應該要點set 點set，鬼唔知咩~ 你咁本事你搵到個api黎整呀！一叫到佢搵個api就靜晒，結果咪就係係個readme file度加幾句野，最重要就係加埋自己個名上去！！！真係同佢愈講愈激氣。我擺到明就係唔會再做落去嫁啦！功課又唔係冇得交，只係分唔會好高o者~ 你做到的，咪拎高d分law，好公平嫁！做唔到的，就慳返啖氣暖肚啦！咪waste埋d時間。

我好懷疑佢連java都唔係好識，因為同佢講d function同code佢都係o我左聲就算。好忟！！