果種人

今日佢又約我見面了，我唔得閒所以推左。係icq度傾多幾句，問o下佢係咪幸福，冇答我就offline。其實佢一向都唔會講我知佢d野o既，以前係咁，而家當然亦唔會講。我成日認為佢約我只有一個目的，我都有當面問過係唔係。佢話唔係，所以我相信佢。我唔想知道佢係一個咁衰的人，但係每見佢一次，我就愈覺得佢係；每次見完佢，我都有無可奈何同dd後悔的感覺。我想同佢講﹕『既然我地只係hi-bye friend，以後都冇需要見面了。到佢真心想同我做朋友先再算了。』

我其實唔係好明，點解呢個世上仲會有一d 唔喜歡解釋的人。明知世上有好多野都係因為唔解釋清楚，唔溝通而做成好多誤會，都一樣係唔會講d野出黎。佢地唔覺得自己有問題，只會覺得其他人好煩，其他人想八佢地的野，一切都係其他人的唔arm。呢d人真係好難頂。自己野唔講人知，人地野又唔想知，呢d算那門子的溝通？呢d人最好就自己搵個山洞住啦！

我屋企已經有一個，我唔想再應付多一個。