哈哈！

今日早上都仲係下細雨，放工果時就勁大雨。仲有十五分鐘就收工果陣忽然俾d野我做，仲話想今日交tim！好在supervisor都明白冇可能，結果就要聽日做啦~

放工好大雨，有遮都冇用，膝頭哥以下都濕晒！係坐火車返屋企的時候，阿妹打左好多次電話俾我而我又聽唔到。到我發覺果時打返俾佢，先知原來佢冇錢but又去左叫野食，而家冇錢找數。佢冇check自己有冇錢就走去叫外賣，叫完發覺冇錢，又唔想去返火車站度gum機，所以打黎叫我去救佢，咁我順便叫佢幫我叫埋。阿妹話佢勁俾人窒，個阿叔知佢冇錢，即使阿妹幫我order多樣野，佢都當聽唔到，唔落單。阿妹見佢果份出左啦，就問阿叔份野食係咪佢的，阿叔死都話唔係。不過當我黎到俾左錢，果份野就係我阿妹叫果份。=.=" 跟住佢先幫我落單咋！都唔知係咪怕我阿妹會一手拎左d飯就沖出門口走佢條數，所以死都話盒飯唔係佢o既。真係超級"law"呢！