普通話聚會

今日下午約左普通話d同學聚會，19人只有6個出黎，不過都照攪。我睇埋套卡通先出，結果遲到左半個鐘。以為係酒店的餐廳度傾，舒舒服服咁，點知原來係food court度..-.-" 都係傾o下大家考成點呀，會唔會再考呀，會自修定係報course呀咁。何同學(好煩果個)又表現出佢一向的個性，又"懶"同我熟咁，成日要我附和佢。原本我都想趁機表達我唔同佢一組嫁啦！點知俾Patie搶先左。講左佢會搵單對單黎教，我只好都話『咁都好喎！我都覺得可以單對單會有幫助d。』其中我感覺到余同學都唔係咁喜歡何同學。因為佢講野o下o下都窒住何同學嫁！haha...

傾左一陣，mary都黎埋傾幾句就要散band啦。Patie要帶囡囡去學Jazz，楊大哥都有野做。走的時間mary問我﹕「最近點呀？生活點呀？」我就忍唔住將呀何同學的事同佢傾訴了，講講o下，其他同學都走晒，得返何同學過黎問我地去邊。mary話去shopping，我話陪佢shop，何同學又話自己冇野做，but又唔走喎！似乎想一起咁。我同mary打個眼色就話「咁我地走先啦！」擺脫左佢大家都鬆一口氣，一邊走一邊傾到6點到就返屋企啦。

mary果個係女呢！楊大哥話男仔都鍾意女多d，因為女會痴人，男仔都係鍾意有女仔痴o下喎！haha