普通話考試

一早就起身作最後衝刺了，溫左2個鐘到食埋野就去考。去到何添樓兜左個圈先搵到路上去，一去到原來就到我了。我係出面一邊溫一邊等我上一個準備完，原來上一個係呀楊大哥呀！(如果冇記錯佢個姓的話......)我抽左2號，d字同詞都唔係好深，but都係有唔識，篇文都好在係我讀左好多次的。不過個講題係『我尊敬的人』或者『談談服飾』。我choose左前者，一早就想好講小學阿陳主任的了，不過其實呢個係虛構的，因為我都唔尊敬佢。=p

考果時對住兩個考官，就緊張了，除左成日會重覆讀返個字之外，好多時都會讀錯又再讀。篇文章就慘啦！明明我識讀嫁ma，太緊張讀唔出果d感情。最後果part先慘，題目果度因為係考天才波，所以完全唔得，不停係度停頓同唔知講乜。如果最後果度30份完全冇分，之前果d又扣得多就會唔合格了。不過我諗合格就會合格掛，不過黎緊10月或者再考。都係睇心情了。

原本見天氣熱係想去游水的，不過朋友唔去得，所以都冇去。最後去左修眉就返屋企睇漫畫同打機了。