教堂婚禮

今日我舊同事andrew同佢女友(而家係老婆)keller 結婚了，係教堂內舉行，keller係基督徒。我出去同人地食lunch先再join 埋d舊同事一起去。去到時都要開始了，匆匆入去坐低都冇拎到場刊。首先係主持人講野，唱聖詩，祈禱，牧師講野‥‥‥到佢地做『我願意』我都冇咩特別感覺。反而係到佢地去簽結婚証書就眼濕濕，因為佢人生的另一階段要開始了。

臨完場果時，坐係前面果個精靈細路望住我喎，我又望返佢啦，佢就同我傾計，講佢d車車俾人整爛左，跟住又話『好多人都走左lu，咁我地走未呀？！』哈，我幫佢扣返好件『工人褲』，叫佢問o下媽咪先啦。

之後其他同事繼續去旺角玩樂，而我就去左觀塘join我媽咪，今晚係果度食飯ma。我地去左watsons o既開倉度買野呢！買左幾盒『雪完美』o既mask $10/2pcs，同埋一個綠茶犬坐墊呢，幾靚嫁！

不過返到屋企都好晏了，傾幾句計又12點，聽日又要返工，d急救又未溫，唉‥‥‥