Freshless Burger

放工去到新世紀，未夠鐘就周圍行下。見到Freshless burger，我未食過的漢堡包店！於是忍唔住都買左一個和風肉汁漢堡包食。一個包收$25，加埋汽水就要俾$35，唔個佢包唔包薯條添喎。如果要轉其他飲品就加$5，如果要洋蔥圈或者薯圈要加$10，要薯皮就加$12!!

聽下聽下真係覺得好唔抵。咁樣加法食一食味成$50埋單？！再睇下個包，除左番茄厚D之外，其他野都好普通。D肉汁係幾好味，不過塊漢堡就‥‥‥。

妹妹之前話呢間野好垃圾，唔食過我都唔信。不過如果食平野，我情願食麥當當，都係$8一個包。要好D就可以係Mos burger，佢D包烘到脆脆咁，好味道。再貴D，就食Triple O's，又大又多料。Freshless burger 真係得一個Fresh 字，因為佢即整，個包仲係熱的。