激鬼死

最近成日同一個netfriend傾計，每日每日都係講佢心儀的女仔的事。最緊要的係每日都係講果d。佢好似只有weekend先見到個女仔咁，咁mon-fri，9-6就係咁講佢地果幾個鐘見面發生的事。你知啦，我返工咁清閒，有d netfriend傾o下計係好o既~ 但係我真係真係好唔like同d咁o既男仔傾計囉。

24歲仔，識左個做waitress的內地女仔，成鬼日就問個女仔穿高叉旗袍會唔會走光，係咪一定穿絲襪，佢會唔會係好開放。講成日都係講緊佢開高叉同穿絲襪，十足十d變態佬咁，好似個女仔就只有高叉同絲襪係值得佢關心咁。又嫌人地個人衛生問題，但係又想搏人懵。成日問我點樣追佢點樣點樣點樣！

大佬呀！我唔係教人點變態嫁！我算唔上十分聰明的腦袋，唔係用黎幫你諗點搏到人懵嫁！我更加唔係偷情專家！日日8個鐘都淨係諗住呢d野，點同女仔親熱都要上網搵智囊團？！有冇病呀？d後生仔！！