心有餘而力不足......失敗！

放工本來約左朋友，點知佢唔舒服。我都係的起心肝去游水。都有兩個星期冇游了，咁樣落去唔得o既！食左d壽司就出發，如常的做左熱身先落水。嘩！都幾多人喎！先游兩個池，咦？今日好勁喎！都唔洗靠邊停咁滯。好！再黎第三個！游到半路，避開左個人之後。哎呀！死！右腳抽筋！我仲要係個游泳池中心，因為池邊好多人。我都唔敢郁隻腳，浮o下沉o下，點知冇救生員黎救我！！！嗚...諗緊叫救命好定係死頂去埋池邊好，唉，都係頂硬上啦~ 浮沉中去到池邊，抖左3個字有多，隻腳先鬆返d。游得果3個池，咁就走好唔抵o者~ 再游又怕今次冇咁好彩游得返埋黎。結果都係等d男仔上晒水，我返埋池邊先游，有咩事都有野扶ma。結果我游得好慢，因為用手力，對腳係咁而郁o下就算。都游左9個池呀total。

9點半就返屋企沖涼睇漫畫。今晚我又入返舊電，用我...兩年幾前買的bube鬧鐘...聽朝叫醒我呢~ 呵呵！

今日見到原來心誠的校園電台有emb訪問，好似好勁咁喎！