久違了的OT

一向都不多OT的，近一年更是從來沒有OT過。今天是第一次。

我負責寫的system 今天要移去另一個server，明天就要公開使用了。下午開始了migration process，先是databases，又要merge d data，整完database都已經係放工了。d同事走晒，得返我同supervisor。理所當然的當搞掂d transfer時總係set少左d野令個system行唔到。執o下呢樣整o下果樣，結果差唔多9點先走。supervisor都仲未走呢！

經過mrs. field，快要到9:30買三送三，我都走去排隊。排左10分鐘，買左18個曲奇呢！不過排我後面果兩個女人，有個人真係！排緊隊果時，有d人係櫃前望o下有咩曲奇，佢就大大聲聲話﹕『果d人做咩呀！湧晒埋去！要排隊嫁喎！』佢個friend就話﹕『唔係，佢地睇o下有咩買o者~』佢就話﹕『唔似喎！』轉個頭到我買緊果時，都未到佢，佢就一個箭步走係櫃前話要呢個要果個。大佬呀！人地都未得閒serve你，你要乜都要等我整完先啦！到我差唔多買完啦，俾錢啦，有人去serve佢同佢個friend啦，佢地就兩個人夾住我，左右聲道講要咩，我想俾錢個服務員都俾佢同個friend zip個頭係我前面。真係忍唔住講左句﹕『喂！搞咩呀！』

返屋企食左mcdonald睇埋神鵰又訓了。今日OT的半日補假，幾時放好呢？