『咪』書 + 愛情合約 + 惡作劇之吻

今日咩game都冇玩到，係車度開始『咪』本上海旅行書。有好多都好粗略的睇過就算，因為太多都係話上海人冇禮貌，和平飯店又舊又爛又嘈等等。同睇台灣的書差好遠，開始諗緊會唔會唔好玩，諗諗o下都係唔好買新衫去。都係去買多幾本書睇睇先。

係forum度搵到『愛情合約』係網上睇的link。之前係其他地方都搵唔到呢套，而家可以上網睇真係好好彩。係tvbs網頁睇左故事大綱，主角係林依晨同賀軍翔呀！唔知點解我同d網友的taste好唔同。我覺得楊丞琳cute過林依晨，佢地又覺得林依晨又可愛又清純，楊丞琳就好扮野。我覺得賀軍翔型同靚仔，佢地又覺得呀《惡作劇之吻》男主角小綜先係靚，賀軍翔化妝造型都老土。

夜晚我都睇左兩集《惡作劇之吻》先訓覺。