放榜 + 游水

今日係放榜日，我有個表妹正係會考生。聞說成績不太好，不過都有心讀上去，努力多一年都係好o既！

唔知係咪因為supervisor轉左坐的方向，見到我唔係好多野做，就成日係度想搵野我做。基本上我做的野都做晒啦！係等下星期三就做migration。今日叫我寫planning，好啦，寫左啦。過一陣又要我寫detailed planning，邊個table d data點轉都要寫埋，仲話果日同我一起OT幫我手。我冇野好講啦！一黎，可能怕我呃鐘，二黎，可能佢都想黎呃鐘。不過話幫手，但係個 database的table relationship佢又唔清楚，之前話整個uml俾佢佢又話唔洗。咁你幫得d咩先？！如果只係將個database 由呢度食去果度，我自己5分鐘內都做到啦！問題係某幾個table 係real server度d data 要同testing server的data merge埋呀！可能index會撞，咁就要改。一改，又要睇返同佢有關果d table有冇指返arm。再黎就係即使搬晒野都未必run到個application，可能係environment，可能係唔記得左d咩。邊一樣你幫到手？！ 不過算啦！你話要幫我冇理由話你幫唔到手唔洗你幫嫁。

夜晚係1號風球同雷暴警告下，我都係同mandy去左游水。人唔算多，起碼搵到池邊位企。今次我游左14個池！破紀錄呀！池中一對十幾歲男女，企係池邊卿卿我我，池底就隔著泳衣上下其手，誇張得很！佢以為池水真係咁濁咩都睇唔到嗎！？如果俾我見到佢地荷槍實彈，我第一個......幫佢廣邀親朋、搵多d觀眾！！大膽得佢呀！