Gym + 睇樓 + DeathNote

今日訓到12點幾先起身，當然開機繼續我放假必做的事啦！就係要將我個harddisk裝滿。但係另一方面，我又要清緊d位唔可以俾佢full到連virtual ram都冇埋，做人真係幾矛盾！=p

下午2點幾同mandy去左御皇庭果邊做gym。個裝修果然係幾有氣派，不過gym room內的8種器械，都係以腳步為主。唔夠全面呢！我行左廿分鐘跑步機，以維持心跳係126為目標，都行到我面紅紅、出晒汗。一落地行路，總係覺得個地下都好似跑步機咁向後滾動。抖左陣想做另一步行樓梯定係單車機，我都冇辦法。個膝頭有d痛，對腳仲好酸軟。最後樣樣都係玩o下十次，同mandy傾o下計就完。之後上去示範單位睇樓同睇我阿媽。睇左7個單位，最大果個個間格我十分之唔鍾意，其餘的都唔錯。又一次感受到室內設計的魔力，好似間間屋咁細都總係有辦法有飯應同客廳咁。最後都聽左一陣d錢呀、月供呀咁。都係好貴，根本就供唔起。

趕返屋企換件衫就出門口，係旺角坐taxi去戲院，好在趕得切未開場。今晚睇左DeathNote。個poster真係好吸引，夜神月同L都影得好好，好有feel，尤其係對眼。點知睇完之後，唉~

個故仔係ok呀！都叫跟足個漫畫咁滯，都幾緊張o既。不過因為要照顧d未睇過漫畫的觀眾，佢花左好多時間去解釋本deathnote的用法。至於兩個主角，夜神月一出場，已經係一個失望。因為漫畫的夜神月係好靚仔，好型好聰明o既。不過戲中的主角，一個包包面，笑起上黎又唔係好靚仔。我腦子裡仲浮現起大學隔離班的同學Reginald，個外表style都幾似嫁！再黎就係L！！真係超級失望！poster的L真係幾靚仔嫁ma！點知L係個戲度一出現，跌晒眼鏡！塊面好似上左好多粉咁，又寒背，又好多墨。真係...唉~ 最後我都係返黎望多兩眼個poster，真係更加驚嘆於而家的電腦執相同攝影的技術之高超。
















今日太趕，唔記得帶我要俾人的野俾人。下次真係要記得先得呢~ 唔係又俾唔到人，留左係屋企擺嫁啦！