游水

放工去左游水。今次我要試o下突破上次14個池。最初有試過一口氣游兩個池，但係後勁不繼，都係要一個一個池咁游o下抖o下。人都唔算好多，但係都唔少。同我同一條line游的有3個男仔，佢地游返黎時我游出去咁。我俾其中一個踢左我個肚一野，好在唔係好大力。不過有一程好似打機咁，一開始游出去就見到有個人係我前面，我一個撥手向右線駛出，等佢過左再游返埋黎條線。點知唔過得一陣，有個阿叔游自由式，完全唔見我係佢前面，我只好打側身邊扶住d訓練班果d波波同繩，一邊踩水等佢過左我先再游返去。呢一程真係好累。

係我游到第16個池時，原本想去到20個池嫁！可惜始終都係不敵......人有三急，只好快快上水走人了。我的堅持，都係留返下一次罷了。