忍住

上次咪話有版友講粗口唔認數o既。今次有人唱雙黃喎！我忍住忍住唔係個newsgroup度串佢地，返黎自己地方先講野。費事又話我搞爛個topic，你知啦，d男人好大嫁。自己串人就冇咩野，俾人串返就係人地唔arm嫁啦。

話說果位版友今次講話佢『只係唔想將個正字比一個人睇到而已。又，老老實實，我從來唔覺係新聞組講粗口有咩問題，何況係自己地方。人地講/打粗口，我唔會干涉，我亦唔希望有人干涉我用"__"。你話我走灰色地帶又好，點都好，我希望可以緊守自己0既底線。而條底線，我我定0既，並不容其他人說三道四。』

真係吹漲！老實講，我都話係佢地方講佢想講的野係佢的自由，佢要講粗口係佢的事，我可以choose唔睇。不過上次搞『爛』post，係呢位人兄話自己冇講粗口喎！話自己只係俾猜想空間人咋喎！話唔係走灰色地帶喎！咁今次佢咪就係承認自己係講粗口law，咪就係話因為講粗口，又唔想講正字先用"_" law。

講到好似好正義咁，仲話人地說三道四。如果當時我話佢明係講粗口果時，佢好似而家大大方方咁承認，咪乜事都冇law。冇人話過唔俾佢地講粗口喎！又冇人話過佢地講粗口係唔arm喎！我只係對佢話自己唔粗口，抱有質疑的態度o者~ 而家咁講，搞到又好似係我係佢地方專制咁。真係搞笑。

當然，係人地地方梗係人地大晒嫁！我講句『文科生』定係用左個『溝』字，人地就會話佢極度唔likey。我只係指出佢講左粗口，佢就鬼殺咁嘈，仲話人地唔應該干涉tim！呢對『野蠻孖寶』，係話其他人之前，仲係反省o下自己有幾咁『巴閉』先啦！