禍不單行

前日先因為人地接新娘俾人嘈醒，尋晚又係咁！不過就唔係接新娘。

我半夜1點先訓落床，訓到冇晒意識的時候，忽然聽到樓下一個女人係度叫。叫咩我唔知，冇聽清楚，但似乎佢同一個男人係度爭執。過左陣有保安員黎左調解，保安員同個男人講話唔好打，打的話我報警你都唔著數嫁咋！個男人跟住就走左，得返個女人係度同保安員傾計，猛話好驚。好似話個男人無端衝黎佢車度唔知想拎佢手袋，定係想打佢。保安員問佢有冇得罪人佢又話冇。

總之唔知發生咩事就咁醒左，我估果時都係半夜3點幾？！唉~真煩，最近點解覺都唔可以睡返次好o既呢？