有佢講、冇你講

就即係咁，借人野用的時候，就自然要比用自己野更加愛惜。可能自己本書就會畫滿晒公仔花碌碌，但係如果你係借人本書黎睇，你一定唔會係人地本書上簽個字又或者摺晒角。

想當年我借人地本書睇果時，由於物主唔like 本書的書骨被拉開，所以睇書要就住就住，好似偷睇咁裝書骨果邊d字。而且書主個人異常咁厭尖，如果俾佢睇到本書面有摺痕或者刮花，就會大哭。所以借佢書睇時，就一定要小心d。借佢衫穿時，更加要小心。如果勾爛、走絲的話，真係唔係賠錢就可以了事。

但係就係有d人係唔識反過來做的。

當佢借人地的notebook用時，用到得返18分鐘，都唔會話要叉電。自己d file周圍的放係人地notebook內。最衰格就係將我部7千幾蚊的電腦放係自己張床度，之後自己放野時，向床度拋。喀的一聲，嚇得我呢個notebook主人不知幾驚。個notebook我好日都唔用下，萬一俾野dum親邊個賠？買notebook的錢我仲分期還緊嫁大佬！借我野用都應該讓我安心我的財物唔會有損壞掛？

一句我梗係知唔會中我先扔啦！你up晒啦家下，而家扔唔中你梗係咁講，扔中的話係咪貼返七千幾蚊個notebook俾我？！我借你書睇時要遵守你的rules，你借我notebook用時就要聽我話嫁啦！

哦！大聲就得嫁啦？喊就得嫁啦？我借你書、借你衫時受你氣我有冇出句聲呀？

你累要訓覺時，我講多句電話都要dum床話我搞到你訓唔到。到我要訓覺你仲傾緊電話果時，我叫足半個鐘都冇收過線！仲有我半夜2點幾3點俾人嘈聲果d我都冇計！

我而家緊張我的私有財產，有咩問題？而家你借人野要遵守人地的rules，又有咩問題？！