勁慘的最後一天假

尋晚3點幾先訓，今早諗住9點起身煲湯，點知7點幾就俾人嘈醒。我相信唔止我一個人嘈醒、都唔止我一家人嘈醒，係我屋企呢兩座樓的低層都嘈醒晒！點解？因為有人接新娘！！！

我唔知點解玩新郎唔係入左新娘屋企先玩的。大清早7點就嘩嘩聲咁嘈醒晒所有人，5個兄弟5個姐妹，係樓下地下玩唔知乜鬼野，又大叫愛的宣言。住正係地下果d獨居老人家就真係多得佢地唔少，老人家醒左好難訓得返嫁ma。大家聽到佢係接新娘，都係度忍住。換轉係果d執垃圾執到嘭嘭聲果d？我老豆就嗌落去罵佢嫁啦！不過我同阿媽都係屋企話果d人，鬼死咁冇公德心，你估個新娘住晒成條邨嫁咩！咁多次接新娘我都係見新娘行出黎果野，冇見人地係樓下叫囂的。我阿妹脾氣臭檔，一開口就話﹕『佢地特登嫁！就係要嘈醒晒d人話俾人知佢有幾愛果條x街！』=.=" 如果有人倒盤水落去班兄弟姊妹度，個新郎都應該會幾難忘。

結果當我地打緊電話去管理處投訴果時，佢地就正式入左隔離大廈，半個鐘到再出黎走左。但係根本就冇人訓得著。佢地一走，樓下d阿伯就出黎講野，話佢地嘈住晒咁。我都只好起身煲湯。

如果個吉時擇得咁早，就唔該係自己屋企玩啦。如果係自己果層個lift口都仲好d，起碼d隔壁鄰社都早知你今日嫁，叫阿媽俾定利是人地，人地都唔會唔識做，都會忍耐。

今日本來話煲霸王花，但買唔到，結果煲左木瓜雪茸。可惜煲乾左水，d湯杰左d。3點幾起程去機場整手呃，累得我係巴士度訓著左。整完手呃等埋leo，就去食左果間『天下餃子』。我覺得一般啦。我屋企鍾意食香口d的，佢煎d餃子時係咁易煎就算，有少少硬，但都係唔夠囉。

食完野我地去打左陣機，玩左騎馬機呀！玩左兩次，我都係跑嬴leo o既！hoho！鬼咩，邊有人跑馬係咁choc隻馬，馬仔都俾你騎死啦！我兩次都係一開頭帶領o既，但去到最後直路時就俾其他馬追過晒！我最後先知原來要按掣黎fit個馬pat pat，令佢衝刺嫁！下次我sure win！

今晚又有人送我返屋企喎~呵呵~