雀局

假期第一天！2點幾到達阿輝沙田的屋企，manfred同佢老婆係度玩緊wii。好彩，夠時間食埋包薯條先開工。今日運勢好似唔錯咁，一開始我冇輸冇嬴；跟住死囉，一輸就連輸幾次8番，仲包人添！點知轉頭我做莊時又俾我連嬴返幾次8番，諗住冇死啦！可以和和果果咁收場啦！

但..係..事與願違，係打完8圈之後，我都係輸，又係輸最多果個。8點幾先落去食飯，其實大家都餓嫁啦，由其係要主人家老婆餓住等我地打埋牌先食，真係唔係幾好意思。食飯時sherman同阿怡不停的傾結婚野，幾咁投契；果邊廂呀manfred老婆又幫manfred夾餸but湯咁，真係....唉~

食完野又返上去阿輝屋企傾多陣計，玩左陣wii。其實我今日特登買左廿隻dvd想話copy晒阿輝d碟嫁！不過最後都係冇時間。阿輝只係copy左隻rabbit俾我，而我就借左兩隻返去自己copy。

夜晚人地出左去同朋友飲野，問下幾點返o者！聲氣幾咁唔好，哼！算，以後唔問。