深閏

尋晚2點幾先訓，今早訓到11/12點先起身。夜晚本來話一家人去elements度行下食飯，但係上openrice度睇左兩次，d人都係話野食冇咩好食。結果大家都係決定唔出去lu，係樓下食下就算。

開始左睇韓劇『回來吧！順愛』除左個第二女主角係幾靚女之外，其他演員都係老餅黎o既。故仔講個老婆同個第三者靈魂互換左，之後發生的事。另外又睇左集『我的麻煩男友』，都係韓劇，要清下d存貨先得嫁ma。

夜晚去左一間未食過的日本野度食，叫做『夢』。平時食都係去開福井，今日諗住試下呢間。點知...我食左海膽三文魚飯同埋蟹羔壽司。真係唔好隨便亂試，勁難食！海膽就腥、蟹羔壽司就差過我上次係築地食果d好多！另外豬軟骨一碟幾粒，仲要我食果粒係雞肉，都唔係雞骨。其他的食物都係一般水準，溫泉蛋菠菜隻蛋都唔係半生熟o既~

食完都要3百蚊落樓，出到去仲見有人排隊。點都係排，我都係情願去返福井囉~