教會 + 宵夜buffet

早左收工去尖沙咀中大個center度開會。因為佢話果度年尾就約滿了，睇o下返中大上堂定係係另一度租過個地方。雖然中大都係我回家之途當中，不過放工趕返去上堂，6:30肯定唔得law。即使係7:00都唔得，所以應該要租過個地方。唔係尖沙咀就旺角果頭啦，唔係好難就到晒咁多人。不過講完都冇咩結論，又話投票都冇投。

之前就去左附近的漫畫店睇漫畫，睇左1部7本呀！差唔多3個鐘。埋單去Italian tomato度食個芒果cheese tart打底，今晚教會果度6:00 到9:30 都冇野食嫁ma。

去到教堂，嘩！今日咩日子？多人到咁？兩邊入口都排晒人龍，原來係請左個唔知咩有名的牧師黎講道，仲一年一次tim！我地坐係上層都係睇螢幕，唱左好多首詩歌。不過d詩歌真係，唱英文或者普通話好聽好多。跟住有一個印尼華僑的牧師開始講啦！講到完場，佢同佢個翻譯不停的講，咪又好大聲，加埋d好似台灣人演講咁抑揚頓挫、士氣高昂的聲線，原本我流眼水都完全冇晒睡意。反而我朋友就中o下中o下咁。

完左佢地教友去食buffet，我一早就講左話唔去嫁啦！不過俾yvonne佢tum o下tum左去。去左逸東酒店度食宵夜buffet$78加一。唔洗一百蚊食buffet算係咁啦，都預左唔會有好多野食嫁啦！起碼唔會海鮮刺身咁啦！不過甜品都唔少，但係個粟子蛋糕真係全蛋糕，cream都冇一層，我見到都覺得好飽。我梗係食得飽晒啦！仲食唔落"hazgan dazz"的雪糕呢！我早過佢地走，因為想坐火車返屋企，結果都俾我趕到最後一班車，仲係差1分鐘就上唔到啦！