狗 + 二手煙

今日返工慢慢黎，因為得3個人返工，我同隔壁個room都只係得我睇住，暑假邊有人sat都返黎呀！我都係做個樣嫁o者！朝早冇開電腦，所以都冇download到報紙睇，不過我繼續睇『我的父親鄧小平』，睇到第二章，arm arm講到毛澤東搞文革。

係新世紀對出的路上，見到隻老虎狗企左係度唔肯行，猛搖尾巴，盯住佢不知所措的主人。其實狗的品種聽就聽得多，我都只係識分老虎狗、金毛尋回犬，其他大隻的狗我估係狼狗，細隻的狗只好歸納做芝娃娃。最後個主人都無可奈何的抱起狗狗走law...成個bb咁！如果第時可以養返隻就好啦！

去坐小巴返工，剛去到小巴門度，有個男子快我一步上車。佢入左車一步，猛然回頭，兜口兜面的向住我噴出一大口煙！大佬呀！好心就上車前就噴出黎啦！都踏左上車先回頭向車外噴，你後面有人嫁ma！結果我食到正，只好皺晒眉用手猛fing開d煙，先上車law。咁樣一吸，我個肺就好無辜的受害了！