又...在家了

開始在家悶發慌了。颱風令我冇得去游水，唉...。我又唔想無端端出街亂洗錢。
結果都係睇完神鵰，睇多集惡作劇之吻，傾陣icq又訓了。

睇左人地兩公婆去西歐自由行15日的blog。我都好恨去歐洲呀！點都要去一次嫁ma。雖然都知係會悶d嫁啦，不過睇完佢地個blog，真係覺得...好似幾悶咁。都係去睇景同影相，逛博物館咁。我呢d冇咩藝術天份同書卷氣息的人，去到行博物館會好冇引嫁喎！但係去到歐洲都唔去睇o下畢卡索的畫、達文西的畫，好似去左等於冇去咁。見佢地慳住錢咁去旅行，雖然當事人唔覺，但係我就覺得好慘呢！唉~ 我幾時先可以去歐洲？聽聞話去歐洲最好係27歲前，因為唔知咩費會平好多。仲有2年就27啦喎！唯一一個機會都係出年contact尾果時d年假，或者返新工/續約前，我就可以有十幾日至一個月時間去。但係...冇人同到我去呢！！！

近呢個星期對眼都好累，一到11點幾就眼訓了。