Facial

今日泳池休息，所以計劃去做facial，都係去返去開果間。對上一次好似係6月到，今次幫我整果個好一般，修完眉又唔會俾鏡我睇o下，按摩面果時又唔係好到d位。不過佢同我按摩左好耐對眼，對眼即刻鬆晒，仲好想訓tim。即完晒都係一個鐘到，走的時候梗係又tum我買package啦！有個package圍起黎$99一次，但一次過要買50次！猛話抵，好多舊客都想買。老實講我呢d不定期的客戶，買左50次，可能要用成2年幾3年。到時間野仲係唔係度我都唔知啦！叫我點買呀！如果買10次果d又唔係平，咁倒不如逐次逐次俾錢啦，唔蝕得幾多o者~

不過今次我賺左喎！因為修眉另計嫁ma，但係佢冇收到錢。呵呵~

之後返屋企睇小龍女同埋兩集鬼嫁，就訓啦！真係好累呢對眼。同朋友傾左陣icq，知道朋友唔係咁開心，都唔知可以點安慰好，我又做唔到d咩去幫佢。

另外今日裝左睇報紙的program呢！聽朝可以係火車度睇報紙了~ 呵呵~