太執著？！

Mario話我係個newsgroup度好多個topic都太執著，搞爛晒d topic。=p 冇錯，心有不服！

成個newsgroup多數都係版主出post o既，我都冇次次回。只係有d感興趣或者覺得好唔掂的post先會點o者~ 而且我態度好好嫁！冇撩交嗌嫁！即使我覺得佢講得唔arm同好過份，我都係慢慢慢慢的指出黎，而唔係直x其非嫁喎！

某post例子﹕
『呢個大金冷氣0既廣告，簡直係一個用糖衣包著0既物質主義氾濫0既廣告。係，無疑呢個廣告係幾成功。其中首日文歌，仲成為0左好多人0既手機鈴聲添。係呀，個廣告好似流滿溫情咁。但事實上，講緊一定要開著部冷氣，先可以happy together。唔開、XXX啦你！即係，窮人唔駛旨意享受家庭樂、環保人士亦都唔可以。 』

廣告

個廣告根本就冇呢個意思，人地只係話有大金冷氣，就多d返屋企，就happy together。人地冇話唔買佢個冷氣就唔會happy嫁喎！我唔知版主係真的咁樣覺得，定係係度搞gag？！ 我睇到個post，只有兩個字係個腦度，就係『搞錯！』『偏激！』。(係四個字先arm。) 所以我先出post話呢個係好大的謬誤。

如果咁又係搞爛左人地個topic，咁算唔算係欲加之罪？好唔明個newsgroup係做咩o既，唔通只係俾版主發up風發洩不滿情緒？！

係o既，天秤座係執著於公平o既，今次我為個廣告無端端俾人話而不值。

OK!我承認我係執著。

不過我冇錯。=p