Shermen & Gary Wedding

晚宴

到達酒樓，同Eric試下D機呀、碟呀，聽埋wedding planner Wendy的briefing，大家就free咁啦。我同Eric再finally改下D MC稿。我好緊張呀！因為真係冇時間背稿，Eric又提我怕我到時會望住D稿讀，我都好怕呀！可能我神色太凝重，石頭都猛叫我唔好緊張。

太得閒，所以呢度行下果度行下，又搵呀短Sir幫我同D兄弟影下相。到8點15分，人龍勁長都係等住同新人影相。Wendy話佢未見過人地結婚，連平輩都要jum茶嫁！咁話時話，我都覺得應該唔洗嫁喎，冇理由要我jum茶俾表弟飲o者~ 雖然遲左，晚宴都順利開始。成晚我衰得最勁，就係佢地合X交杯果時遲左叫賓客一起祝酒，唉~ 不過後來都OK，接到O既。

見到同學仔Julian，仲有Miranda。Julian話我靚左好多呀！呵呵呵呵！Miranda都有話我好charming同埋confident呀！YEAH!!! 佢話唔覺得我緊張喎，講得都OK順。咁就好啦！上次校友會做司儀，人地都係睇唔出我緊張嫁！其實上台前我係咁同Eric講﹕『我好緊張呀！』

仲有Gary的驚喜，自彈自唱『至霖情歌』，勁呀！仲唱埋『做你的男人』添呀！我懷疑佢早有準備，知道我地實叫Encore o既~

最後返屋企屋企點幾啦！好累，但都好滿足。

多謝Shermen俾個機會我係佢的婚禮上擔當一個咁重要的角色，仲有就係俾個機會我扮到咁靚見人啦！哈哈！