會員大會+盤菜宴

上午去左睇牙醫，個醫生趕收工趕到真係...唉~ 睇一隻牙都要收$230，阿媽話佢洗成排牙都係$3XX。

返到學校，2點鐘，各位都係度準備緊會員大會D野。食粒藥就睇下有咩幫手，個VIDEO仲有幾張相要加，有位委員今日唔黎，又冇佢張相，會員大會3點開始俾人入黎，3點半正式開始。居然3點15時想我加返佢張相入去。我梗係唔加啦！唔通當住D賓客面前整黎整去咩~

我係會員大會的司儀，成場都幾緊張。因為有時主席講左我D野，有時我又講漏左D野咁。不過最後都可以搞掂晒D野。仲俾校長同D副校長贊我表現穩定！呵呵！

完左會員大會，忽然之間好似好閒咁，因為盤菜宴我冇份幫手，都唔知做D咩好。成晚盤菜宴都係幫手做下勢咁。最慘最慘就係有位校友HIGH到捉住何小出去台前跳舞，幾百對眼望住，好EMBRASS嫁MA。個校友又係我地的支持者，次次活動都贊助唔少的。何小叫我地一起出去跳，唔好令佢咁魚。我只好同mandy一起出去幫下手，un埋果半支『何日君再來』。仲俾人拍左片，好在影到背面only。

學校個跳繩隊得左世界獎，我走去搵佢地影張相，點知個世界冠軍寸到爆，不情不願咁。大佬，俾面你先搵你影張相o者，你估你係金城武、姚明咩！不過算，心誠人係寸d，預左。

8點食完，搞一大輪都要9點先走得，返到屋企都幾累下。今個week日日都咁早起。