Shermen & Gary Wedding

女家

終於黎到忙碌碌的1月啦！剛過去的星期六，Shermen 同Gary就共諧連理左啦！星期五我放左假，下午去做個FACIAL，就出去婚紗店度同Shermen、Alice會合。等佢地試下改下，又傾下計，跟住就返柴灣新娘屋企，同D姊妹做final gathering。搞掂之後就沖涼呀、塗指甲油、full mask，Shermen就上頭訓覺。結果我2點幾先訓，4點45 化妝師Julian就到啦！

6點半CARRIE都仲未到，其他姊妹都到晒啦！兄弟團都係樓下的時候，7點Carrie先黎到。化妝師拿拿聲幫佢化埋，我就帶另外兩個落去幫新郎執執。係LIFT度個化妝師話﹕『乜個姊妹咁嫁？遲到仲好施施然咁，好似一D都唔趕咁。我地仲要去男家化妝嫁ma。』我都唔知點答好，只好話求其幫佢化兩野就OK啦，佢自己遲到自己事。

估唔到Shermen D親戚咁多，成間屋都塞到滿晒。因為Shermen妹妹係房訓緊覺，所以都唔俾得攝影隊入去影新娘化妝。7點半本應要上黎玩遊戲，結果7點50都仲未ready。Eric打上黎問上得黎未，我見8點都要『針』茶囉，仲唔上黎等幾時？姊妹就READY嫁啦，再等就怕誤吉時，咪叫佢地上黎啦，姊妹cut晒D遊戲只玩一個同愛的宣言，睇怕都夠時間掛。一收線，後面個攝影師就大叫﹕『咩話？我地咩仲未影新娘喎！』我望下佢，用眼神黎告訴佢﹕『咁可以點先？係咪無了期咁等呀？』

兄弟團到啦，我同Alice係門口截住，由於我冇留意攝影師係邊度影，我企左門口左邊，Alice係門口右邊。跟住就俾頭先個攝影師串我啦﹕『姊妹，阻住呀，企埋一邊啦！』我...忍...你...哼！開門利是都未黎得及叫大份D，就要影交收儀式。入到黎玩『親親老婆』，新郎相都未睇到，YOYO就叫完十下要罰佢地了。冇法啦，時間緊逼，最緊要係唔好誤吉時。緊接就係『愛的宣言』。呢個係Carrie負責整的，係整得幾靚O既，可惜就係D screw拆唔到，而且又怕整跌左個Puzzle，到時唔見緊一件就唔好啦！所以都係求求其俾新郎用國語讀出黎簽個名，就接新娘lu。

一對新人jum茶時我出左門口同D兄弟傾rundown。其實都係講返有D咩野要check返記得帶啦，咁多個姊妹係得我見過D兄弟咋！有個兄弟石頭問我﹕『我地係咪飲過茶嫁？上次果個係咪你黎嫁？』『‥‥‥係呀。』『O下？！乜唔同左樣咁O既？』...=D...搵人化左妝係抵O既！靚左喎~KEKE。