幫Yvonne派帖

Yvonne下星期就結婚，我要幫佢派帖俾我地D莊員，今日一次過約晒佢地出黎。

放工去左朗豪坊，同KENNETH行左陣，8點先去周記避風塘度等佢地。等到9點幾先叫多D人，先有得食野。牙好痛但仲食埋D熱氣野，個炸蠔D汁燙到條脷，真係傷上加傷。

傾傾下都到11點，勁夜。阿邦宣佈佢出年的聽日結婚了，而DANIEL出年5月就做人老豆。阿邦講講下，都係話個女仔覺得年紀差唔多，應該要結婚，但阿邦就係覺得佢都選定係呢個女仔，佢想結，咪結囉。

有時D野講唔埋的真係，估唔到9年後阿邦係咁的情形下結婚的。世事真係想像唔到。

數埋數埋，大學時代的各個某君，得返一個未打算結婚，HAHA。咁就9年了。