終於都來了‥‥‥

今日穿左條裙返工。因為俾人話我唔lady，所以就特別的穿左條裙。返到公司俾isabella問我做咩今日穿裙，女仔穿裙有乜咁出奇？！everlyn日日都穿裙又唔見佢問！？

臨放工henry話我之前做到夜晚11點的sir有問題，驚到我呀！拿拿聲revise返我做過d咩，睇下佢又點解會做唔到，結果搞到6點半7點先發現原來係虛驚一場。搞掂左佢個問題，就即刻趕去中環。今日約左coleman去上次同manfred食壽司果間築地市場度食飯。呢次我試左上次冇食到o既蟹糕壽司，成$18@，外表真係有d核突，不過食落又真係幾鮮甜、幾好食嫁！至於其他壽司都係一般，刺身都ok。我教左佢點set好佢個window media player之後，我地就坐巴士去沙田，去佢屋企拎幾隻佢媽媽包的糉。

係巴士度佢曖昧的表達左佢的想法，之後我地係城門河旁的公園傾『正經野』。結果？我成腳都俾毒蚊針到一粒粒，至於正經野都冇一個結論，而夜深了，佢送左我返屋企，係msn度傾多陣就訓。