下水禮‧完成

今日又係要早起身，因為今日又去嘗試下水。先去左沙田買pacific coffee的cheese cake，coleman話好食過伯伯加奴。上次佢對伯伯加奴的cheese cake十分的不滿意，但係我妹妹又勁鍾意食伯伯加奴的cheese cake嫁喎！終於發現一個比我妹妹更『嘴雕』的人！ 又去tom lee度買左『暗戀桃花源』的門票，趁學生證未過期去睇返場drama先。我們選左睇香港版，由蘇玉華做，其實蘇玉華佢穿長衫真係幾有味道嫁~

之後去到coleman屋企附近，原來佢未食lunch，又同佢食左lunch先，費事一陣餓住肚游水就唔好。果間茶餐廳呢....最簡單的沙爹牛肉公仔麵，個沙爹牛肉居然又"hai"又"un"，點做生意嫁！想起我屋企樓下間祥發旺，真係好佢多多聲。之後上佢屋企放低d野，趁陽光普照就去游左水先。個泳池最高都有2米深，人都唔算多，游到水o既，但係都係得半個直池距離。而救生員都係阿伯，可以完全打破『救生員大多係大隻靚仔』o既誤解。由於星期四我做完gym，雙手都仲有d酸，我都游唔到幾多個池，計埋頂多都係5個直池only。我都係選擇企係度睇人地游好了，不過都唔多人穿bikini，多數都係1 piece，有bikini的都用t-shirt cover晒。

游左差唔多一個鐘，就去沖涼，搞掂晒都5點幾。所以都唔開紅酒飲啦！反而食我買黎的cheese cake。想過叫埋佢家姐一起出黎食，點知佢家姐都真係幾怕生，所以都係留返件俾佢自己聽日食。之後坐多陣，睇下coleman新買的dopod手機就返屋企食飯。佢個dopod手機有3G又有GPS，比我果個O2 Atom Exec好好多，我其實都有想過買O2新果個model，都係有3G。不過咁樣換法又洗一筆，我仲話要買新電腦呢？都仲未買。唉~