Yacht party 遊船河

7點鐘就要起身梳洗同執野，時間set得好tight，因為我負責係西貢等人o既，唔可以遲到。但係見到阿媽，又傾計啦！傾左半個鐘，結果都遲左半個鐘先至出門口。去沙田坐299入西貢，係車度食左兩個包，因為之後要游水，唔可以餓住o既，而且又訓得4個鐘，小心d好。

係車度打俾係西貢等的人，發覺原來都冇咩邊個唔遲到。而且係旺角等人的gary早就入到去西貢了。我遲左3個字到，d人都未黎晒，等晒d人就10:30上船。一上到船，安排佢地放低d野食，阿清阿ming就發現隻船有d唔妥，同佢地book果時差好遠。原本想係船度玩走動的遊戲根本就玩唔到。我地就打電話去book船果個人都度嘈，但係又邊有可能嘈得到佢？！錢又俾晒，人又上晒船，唔通而家先黎唔出海咩？！都係象徵式嘈下。阿paul幫忙同果個人傾下，結果緊係冇得搞啦。

之後我地係船度玩個game 認識下大家，就各自各傾計，唱下k咁。1個鐘就到浪茄。先係自由活動，玩wakeboard的玩wakeboard ，上沙灘玩的上沙灘。而我呢唱左d歌就同阿清游去岸度玩。大伙兒玩左陣火燒後欄、糖痴豆，就真係太曬而停止。過多陣我又同阿清阿ming游返上船。大家一人一個水泡，係個海度浮住傾計，都幾寫意o既~除左個海實在太污漕。可能前幾日下過大雨，海水好多泥，好多木。之後2點鐘就食午餐，3點又開始自由活動。上午我排隊都排唔到我玩wakeboard，下午就邊唱k、邊排隊玩香蕉船、都邊睇其他人玩跳水。我就唔敢跳啦！始終泳術唔算好高明，都係有d怯。不過睇見人地又後胸翻咁跳落去都幾好睇o既。

最後都玩左一次banana boat，好快就跌左落水。好在有救生衣咋！唔係真係會沈落海。不過我成日撻左兩次，加埋香蕉船，好似扯親條頸同隻手呢~ 最後大家沖身，上左船頂傾下計，影下相。同埋幫author慶祝生日。咁旅程就完啦。

之後有d人走左先，有d就一起食晚飯。不過可能大家都累，食飯都冇咩野好傾，好靜。我果table呀water同calvin又有唔妥，針鋒相對咁，都幾難捱。之後同water, oscar同埋gary一起坐巴士返沙田，少不免又要聽water話calvin的野嫁啦。不過water係個吹水之人，9成9講的野都係假o既，但係又tum得人開心嫁喎！so 車程氣氛都ok。

返到屋企沖涼，先發現我冇幫自己背脊搽防曬！半個背部紅左，濕水又痛！今次真係大獲！