唔係掛！

今日放工時突然整死左個場，嚇得我，我明明只係換左d jar file，冇理由jrun都死嫁ma。recover返d jar都唔得，整左我成個幾鐘，先肯俾我reboot個機。結果一reboot完，就乜事都冇。

阿飛趁機單獨咁問我，覺得阿kent點。阿kent係邊個？！咪之前第一次食飯，佢想介紹俾我識果個，好靜又據聞幾大隻o既男仔囉。上次第二次食飯佢都有黎ma，之後唱k仲唱得唔好聽o既~ 點知阿飛話阿kent『深深咁俾我美妙o既歌聲迷住』。你話幾咁誇張？佢未講都係度爆笑，咁我點信佢呀！？ 原來佢係食飯後果日，同阿飛講，初初第一次覺得我唔得，第二次見又覺得我其實幾好，問幾時見第三次。之後就勁係度笑我，話好多戀情，都係由卡拉ok開始o既！ =.="

咪玩啦！約出黎一起玩下我唔介意，不過都講左n次阿kent咁靜，要選都選anthony啦！起碼唔會悶死我！