大年初一

年廿九去左姑姐屋企團年，先知原來火車成日經過果棟樓叫做大埔花園。果度都幾大，但就係唔太方便囉，要車出車入。我將我製作的果份剪紙作品，帶左去送俾姑姐。因為我媽媽一D都唔喜歡收藏我的作品，所以我都係交俾D會收藏的人保管好D。即使佢丟左我都唔會知。夜晚姑丈車我地去食埋糖水先返屋企，食左好多野，好飽。

年三十係屋企過，冇去行花市呀，You know, no one is gonna accompany me.

年初一照常到婆婆屋企聚會，今年我有得係廚房煎糕。呢個位好難爭返黎嫁！我阿媽成日擺住黎做，如果佢唔做，我有個表姐做開。今年我比表姐早到，所以有得做。又係食左好多野，好飽。但媽媽唔記得帶我整的角仔同竽蝦出黎，難得姨丈同舅父都奇待我的作品嫁MA！

竽蝦我23日放假係屋企整左成日嫁啦！年廿九俾左D俾姑姐食，而家屋企仲有，留返我慢慢食。

今日我同妹妹都開左我地之前買的Coach新袋、新銀包同新card holder出黎用。

另外就係係FACEBOOK見到有3個同事都寫左句，開開心心咁放埋個假先算。我懷疑......一放完假就會有唔好的消息出現。今個假期都係係隱憂中渡過。

本來想去大陸逛一逛，其實我仲未去過東門行街嫁！上次ERIC話返去食海鮮，佢提起我都有考慮下。但係上星期我老豆先腸胃炎黎，去做facial果個人屋企都有幾個腸胃炎黎，好似近排D菌好惡咁。係香港食野都已經咁多人病，所以返內地食海鮮我都有D驚驚地。所以都係唔去食LU。不過仍然考慮下搵日返去行下，一日遊。