黎明

我地公司有個同事叫『黎明』。最初佢入黎果時唔係我果條team的，不過坐係我附近，老細話佢幾靚仔，我都好期待佢有幾靚仔。結果見到面，well，都ok咁啦！高大ma、金髮ma、gel埋個頭，係公司黎講都算唔錯嫁啦！出到去我都相信係溝死女果隻o既。而且佢仲係我妹妹大學時的莊友的舊男友。

不過一直相處落黎，都真係冇咩好感囉。一黎，佢個人唔執拾，食完飯盒都唔收蓋就pat係垃圾筒，俾隔離同事lampson話佢幾次，倒垃圾個阿姐又話佢幾次。二黎，就係佢對屋企人的態度。佢媽媽成日都會打電話俾佢，因為想買股票。而佢次次都係好唔耐煩咁答佢﹕「唔好啦！我叫你唔好呀！你等我搞啦~」咁。雖然佢阿媽係煩左d，返緊工都成日打黎問個仔想買呢隻好唔好，不過始終都係阿媽，聽親佢同阿媽講野都咁唔耐煩，有時都好忟。三黎，愈睇佢個樣愈覺得佢唔靚仔。雖然佢白淨又高，但係仔細咁望佢的五官，其實真係冇咩特別，完全係一個搶眼的髮型+高大的身型而已。四黎，就係俾我有d自已為事的感覺。

佢不久前就轉左入我地條team，所以好多機會同佢一起夾做野。好似今日咁，我地有d野未ready，而負責的同事得返今日係office，所以我就先叫左個同事幫手睇下我地咩事未work。大佬，我地趕deadline嫁！我可不想星期六日又返黎做。「黎明」就話自己仲熟過個同事，唔洗人幫佢自己搞掂。ok啦！你搞掂俾我就ok。之後SA黎問d野，我話兩個場d jar係唔update的，佢又搶住答兩個場係sync的、即係update的。ok，你話係我信你啦！好，等我試下先。點知就係發現佢唔update。連佢自己用緊個場d jar都係唔update的！冇嫁！我梗係要話返俾佢知佢錯左，等佢唔好成日以為自己識晒d野，清楚晒d野先得嫁~