逗利是聚餐

今日放工準時就走，去到旺角鳳城酒家度拎左個位先。因為今日我約左carrie同manfred 出黎逗佢地利是。7點45到差唔多齊人，得返7個，都係我衰，約錯左robin日子，facebook又寫錯係星期四。

呢度d野一般啦，選呢度我都係貪平平地又可以大家圍埋傾下計。選左edison作話題有一d失策，因為carrie不停的講佢點教d學生，要點睇呢件事，大家都冇法發言。只見佢滔滔不絕，我都有d怕成餐飯都俾佢講呢樣野講晒。好在後黎轉左focus係gary結婚d野度。傾傾下發覺黎緊好多人結婚，8月11月1月，共有4個。

聽到舊情人要結婚，心裡百感交集。女人就係愛想東想西，一邊返屋企一邊同mandy傾電話。想不到佢同呢個女仔可以一拍就5年到結婚，如果...如果我地冇分手，係咪今日披上婚紗的人係我呢？而家想起，以前分手的原因就好似雞毛蒜皮咁少的事，就好似好多人咁講，時間把不好的東西都沖淡了，只記得對你好的事。確實，年輕真好。

邊有咁多如果呀？

以前總覺得d人拍咁多次拖係好開心的事，有咁多人疼愛；但係而家人大了，先發覺就係不被人疼愛，先需要拍咁多次拖。唉~ 所以可以同初戀情人結婚的人，真係好有福氣。