赤柱 + 通宵

放工到中環見coleman。本來他想帶我去ifc內的一間店喝點東西，可惜位子已滿了。所以我們直接的入赤柱食飯。車程中佢的姪女打黎同佢傾放榜d野，冇錯，今日正正係放榜的日子。

我地行左一陣，決定去pizza express度食，食左個pizza、一個salad，仲有飲左白酒。呢度呢杯白酒好難飲，好苦。同上次sherman帶黎果隻差好遠，究竟係我美化左記憶中佢支白酒的味道，定係佢地o既味道真係差咁遠？！

之後我地再去另一間restaurant度食甜品，coleman想食雞翼ma，pizza express都冇。跟住我地傾左好多野，又去左曬月光。傾完大家都對大家有更多的瞭解，都知道應該點處理大家之間的關係。

之後坐返van仔出去銅鑼灣。coleman佢聽日要返大陸玩，而我就約左班friend去飲野。第一次去大利行上的bar，celia參加左果度的karaoke singing contest入左決賽，今晚就係去捧佢場o既。我去到果時見阿king阿清佢地都係度啦，仲有幾個新朋友。比賽celia就輸左啦，咁佢都真係抵輸o既，另外兩個唱關心研同埋衛蘭唱得好勁！之後我地都係吹下水、玩下game咁。我3點就話走嫁啦，點知又話唱埋呢首歌，又話玩多十分鐘，搞到4點幾先走到。好在果度有van仔直接返屋企，返到屋企5點幾，即刻就訓。