增廣見聞

今日下午食完飯同同事行返公司，忽然一個紫衫女子係後面行上黎，撞左我一野，咁都冇點留意佢。點知行左一段路，忽然見個女仔向返呢邊跑，而前少少有個肥男人，身旁仲有個被擲的白色手提電話。原來個女o既係走去掟男人電話！我就真係唔捨得拎幾千蚊黎掟啦老實講。個男人其實都幾無奈，都唔知點做好，扮冇野照行，但係都係執返個電話再走。

放工d同事去打bowling，可惜我要返學，早半個鐘就走左。上堂我生日走左堂，今堂聽d唔聽d咁，最後都係問返d同學，點知個個都同我一樣訓晒覺。game project要寫storyboard啦！其實idea就有嫁啦，不過唔知可以做到幾多o者~ 今個weekend都係要的起心肝做返晒d tutorial先知整唔整得出份功課嫁啦~

呢幾日返工都係睇資料，真係比較悶。悶唔緊要，最緊要係佢仲要有個test！如果唔識都幾核突。但係忽然就睇d完全冇concept的野，真係好難明晒喎...