French nail + 愛之語

聽日就要投入工作，今日下午睇左《小王子》，仲有背日文果d片假名同平假名。冇錯，唔係第一次背嫁啦，但係真係好難背。而家平假名大部份都記得，但係片假名...一半到啦。

夜晚抽空整左個french nail，都係用甲油整o者~ 即係閃閃地透明甲油+白色甲油邊。well, 第一次整，ok咁啦。夜晚邊睇返無間道，又邊睇《愛之語》，睇左三章。呢本係一個網友介紹我睇o既，作者好似係信教o既。我睇呢本就係針對婚姻黎講，聽聞有另一本係for single o既，有機會都會睇o下。

雖然睇左三章，都未講到邊5種愛之語言，但係我發覺原來我都真係一早就睇通左dd。因為作者都話，戀愛果時唔算係愛，因為基本上戀愛的限期係兩年，兩年內大家都係一個假裝的表面對對方好，但係大家的不同會漸漸出黎。

意思類似就係愛係你選擇左要去愛的人，然後用適當的方式去表達你的決定。至於最初的feel，神魂癲倒，都只不過係一個幻像，呢個神魂癲倒令我地有錯覺可以甘願為愛人做任何的付出。但係人的本性係自我中心的...

有興趣可問我，我send本書俾你睇~ ^_^