再戰江湖

今日一早就起身，放完假返工，梗係唔好遲到。一切都安好，睇左d financial的資料，同d同事食飯。放工OT半個鐘就走，遲d先OT耐d啦！

食完飯果時我地去左睇樓盤，唔知叫華乜鬼，係中原地產o既。睇左9百幾尺個單位，嘩！靚到，個廳好大好闊落，個房係細左d。最緊要有個open kitchen，浴室又係玻璃門。主人房都好好。不過景就麻麻。成八百幾萬呀！貴到飛起！

夜晚放工去左page one想睇素黑的書。睇左果本《你不是一個人》，可能因為唔係咁專心，覺得又唔係講得有咩特別。不過睇到一篇同我好似，俾素黑話係將愛情機械化，其實係非常怕對方背叛。睇完又進入左自我反省的模式。

下午食左好大份的日式午餐，夜晚又食左東海堂蛋糕同埋芒橙x情的雪糕。今日肥死了！