飛來横禍

尋日出街果時係商場上緊電梯時，遇到差唔多成年前遇到果個癲婆。

上之係我返工果時行緊去火車站，佢一見我就話我『成個屋邨最醜樣係你啦！邊得你咁醜樣嫁？』，果時嚇左我一下，傷害左我弱小心靈。喂！有冇咁誇張呀！至少我都仲叫青春o者！五官端正呀！

今日見到佢，佢又黎料。佢見我係佢下幾級的電梯，就望住我仲wewe咁撩。我梗係只看正前方完全當聽佢唔到啦！佢就走埋黎，裝我個樣，又開始講啦。『你以為自己好靚呀？我話你知呀！我靚過你好多呀！你個樣又唔係靚，咪成日以為自己靚先得嫁！......』由於我穿高跟鞋，步履唔可以太大，只好正常速度地走向火車站，搏佢唔會追上黎。點知佢一邊跟住我一邊大罵，搞到d公公係咁望住。『我靚過你好多呀！唔知醜...(追上黎) 喂！我地一起去影相呀！睇o下邊個靚d！都唔照鏡o既！......』

邊走邊當聽唔到，仲要邊想究竟佢想跟我跟到幾時呀？200公尺有多啦喎！如果入埋另一個商場，仲多人仲魚。不過佢冇再跟入另一個商場，我都安心左。

究竟我係真係成個estate內最醜樣？定係我特別乞佢憎？定係佢唔喜歡我打扮過？o下o下都要搵我麻煩！