黃金海岸bbq

今日約左大學同學去黃金海岸bbq，我很早就到左屯門約定地點了。原來由屋企去屯門都係差唔多一個鐘而已。邊聽歌邊等人到，就坐車去黃金海岸。原來bbq係頂層，都ok啦！有蝦有蟹咁，仲有太陽。yvonne睇得出我瘦左係邊！實在太開心啦！我食左d丸呀腸呀，仲有雞翼就收工lu。因為要控制自己，唔可以食太多，肥返晒咁我之前的努力就...。

食完同eric, wallace傾o下計。wallace買左部黑色nds lite呀！真係幾靚仔，仲改左機，有我想玩的cooking mama果d呢！佢都有叫我改機，不過，同佢個psp的理由一樣，因為係人地送o既，我唔係咁想trade左佢或者係改左佢呢！所以都係再諗諗先啦！

燒完野食之後就去左唱k，幸好唱果d我都叫識o者~ 我都有唱左近期我o既飲歌。neway請我地飲左支香檳，佢地話乾左佢喎！嘩，如果有酒精，我受唔住暈左仲得了o既？我梗係唔敢啦！不過原來係冇酒精o既，但係d氣好勁，飲完就打c egg。唱到11點幾就要趕住走啦，因為其他人都要返工ma，我同yvonne坐van仔返上水，再坐巴士，返到屋企果頭都點幾兩點。n個月黎去得最夜，都係今次啦！

同yvonne傾左d野，睇o下搵唔搵到契舅父，我地再去一次三年前一起去的地方。