Gym

今日返工好眼訓，尋晚睇漫畫睇到夜。夜晚去左做gym，都做左一個鐘，不過係踩左10分鐘單車，行左10分鐘跑步機，跑左2分鐘就腳軟了..-.- ..失敗！

坐火南返屋企果陣，有個阿叔同個中學生講野，好似係度講人生道理咁。佢話係香港地做野，最重要的係學識，之後就係英文，跟住就係自信。佢入過師範教過小學生，而家打份政府工有二萬幾蚊收入，仲有佢話佢好proud of自己英文好。不過佢同個中學生講幾句英文，我覺得....都係不外如是o者...佢仲話佢教過個姪女英文，而家個姪女master啦！有左會計師牌，十幾萬一年，係佢教出黎嫁tim！

我真係好想窒佢，人地讀書叻，同你有冇教過佢英文，係冇乜關係嫁喎...講到好似你自己d功勞咁。邊得黎個阿叔咁鬼鍾意晒命，真係唔怕人地笑佢嫁喎~